#Bukna Tualnuam#
Phalbi hong tung petpet ta
Lenmui hong kaai-in
Huihkhi dam zong
Hong laang hiauhiau-in
Hong seem siausiau ta
Vot-in dam na e.
Lummeei te zong hong kikaituah
Khim khuazing-in
Thangvan dumpi zong
Hong ging damdam a
Hong thum duldul ta
Khuaphia zalzal-in
Keek hong kia
Huihpi hong nung vutvut ta
Hong liinglawng sak na e.
Khuasia-in
Thulguah zong
Hong luang ngelhngelh ta
Huihsia leh guahsia
Kithuah-in hong nung vatvat a
Hong nawk gawp
Hong hoi sak
Hong huang sak
Hong tuuk sak zo na e.
Liim bang belhna
Munkip tualnuam
Hong liah
Hong daal
Hong hu
Bukna lumsuangpi
Bukna kulhpi muanhuai
Na siang kong zuan
Anglai naubang nong pom a
Na angliim sung ah
Uum bang nong khawl sak maw.
Classylian
02/06/2020
On Tuesday
Image Credit: timetravelturtle
Comments
Post a Comment