အဆိပ်ပင်
------------------------------------------
ငါ့မိတ်ဆွေကို စိတ်ဆိုးမိလို့
အမျက်ဒေါသ ဖွင့်ဟလိုက်တော့
ငါ့ရဲ့အမျက်ပြေအခက်ဝေ။
ငါ့ရန်သူကို စိတ်ဆိုးမိလို့
အမျက်ဒေါသ ဖွင့်မဟလေတော့
ငါ့ရဲ့အမျက်မပြေ ကြီးထွားလေ။
ငါ့ဒေါသကို ကြောက်ရွံ့ရွံ့နှင့်
နေ့ညမပျက် မျက်ရည်တို့ဖြင့်
ရေလောင်းပေးခဲ့ပေါ့။
နူးညံ့ပြီး လှည့်စားတတ်တဲ့
မာယာအပြုံးများနဲ့
ငါ့ဒေါသကို နေရောင်ခြည် ဖြာဝေစေခဲ့ပြီ။
တောက်ပြောင်သည့် ပန်းသီးတစ်လုံး
သီးသည့်အထိ
နေ့ရောညပါ ကြီးရင့်လို့လာ။
အသီးရဲ့ ဝင်းလက်မှုကိုမြင်တော့
ငါပိုင်တဲ့သစ်သီးလို့
ငါ့ရန်သူက သိနေပြန်ပေါ့။
ဒါနဲ့ ….. အာကာယံ အမှောင်ဖုံးချိန်
ငါ့ဥယျာဉ်ထဲ အလစ်ခိုးဝင်။
နံနက်ယံ၌ ဝမ်းသာစရာ
မြင်လိုက်ရတာက
သစ်ပင်အောက်မှာ ခြေဆန့်လက်ဆန့်နဲ့
လဲနေတာက ငါ့ရန်သူပေါ့။
#ဝီလျမ်ဘလိတ်ခ်
#Translated by Clasaylian
#ဒေါသဆိုတာ ကျွန်တော်တို့ လူသားအားလုံးမှာရှိတဲ့ ပင်ကိုစရိုက်လက္ခဏာ တစ်ခုဖြစ်တယ်။ ဒါတင်မကဘူး။ ဒေါသဆိုတာ စိတ်ခံစားမှုတွေထဲမှာမှ အဆိုးဆုံးသော ရန်လိုတတ်တဲ့ စိတ်တစ်ခု
ဖြစ်ပြန်တယ်။ ဒီကဗျာထဲမှာတွေ့ရသလို ကဗျာဆရာက သူ့ရဲ့သူငယ်ချင်း၊ သူ့ရဲ့မိတ်ကို စိတ်ဆိုးမိတယ်။ အကြာပါဘူး သူ့မိတ်ဆွေကို ခွင့်လွှတ် လိုက်တယ်။ ဒါပေမယ့် သူ့ရန်သူက သူ့အပေါ် ပြုမှား၊ဆိုမှား ရှိပြီး သူ့ကို နည်းနည်း နာကျင်အောင် လုပ်မိလိုက်တော့ ဘယ်တော့မှ ခွင့်မလွတ်နှိုင် ဖြစ်နေပြန်တယ်။ သူ့ရန်သူက သူ့အပေါ် ဘယ်လိုဘယ်ပုံ ဆက်ဆံတယ် ဆိုတာကအစ အသေးစိတ်ကို မှတ်မိနေတတ်တယ်။ ဒါတွေကို ဒေါသတွေထွက်ပြီး အာဃာတတွေ၊ အငြိုးအတေးတွေ သူ့ရင်ဘက်ထဲမှာ သိမ်းထား၊ မှတ်သားထားတယ်။ သူ့ရန်သူကို ခွင့်လွှတ်နှိုင်ပါရက်နဲ့ ခွင့်လွှတ်ဖို့နေနေသာသာ အသေအချာကို နှလုံးသားထဲမှာ မှတ်သားထားတယ်။ ကြာလာတော့ သူ့ရဲ့အငြိုးတေးတွေ၊ အာဃာတတွေ၊ အမှုန်းတရားတွေဟာ အချိန်နဲ့ အညီ တစ်နေ့တခြား ကြီးထွားလို့လာတယ်။ နောက်ဆုံးတော့ သူ့ရဲ့ခံစားချက်တွေ အားကောင်းလာတာနှင့်အမျှ သူ့ရန်သူက သူ့ကိုလုပ်ထားခဲ့သမျှ ပြန်ခံစားရအောင် ကလဲ့စားချေဖို့ ဆိုရင် ဘာမဆိုလုပ်မယ် ဆိုပြီး စိတ်ဆုံးဖြတ်လိုက်တယ်။ ဒါပေမယ့် ကဗျာဆရာက ကိုယ်စိုက်တဲ့အတိုင်း ကိုယ်ပြန်ရိပ်ရမယ်ဆိုတဲ့ ကံ၊ ကံ၏အကျိုး ကိုစောင့်ဆိုင်းနှိုင်စွမ်းမရှိတော့ချေ။ သူ့ရဲ့ အငြိုးအတေးတွေကို အဆုံးသက်ဖို့ သူ့ရန်သူကို သူကိုယ်တိုင် အဆုံးစီရင်ဖို့ ဆန္ဒသဖွားဖွား ပေါ်လာတယ်။ ဒါကြောင့် ကဗျာဆရာ William Blake က လူသားတွေရဲ့ အမျက်ဒေါသမှ ဖြစ်တည်လာ တတ်တဲ့ ကြောက်စရာကောင်းလှတဲ့ သဘောတရားလေးတွေ၊ အကျိုးရလဒ်လေးတွေကို ကဗျာဖွဲ့ကာ တင်ပြလာတာ ဖြစ်ပါတယ်။ ဒါကြောင့် အငြိုးအာဃာတတွေ ထားမနေဘဲ ခွင့်လွှတ်ခြင်းနဲ့ တုန့်ပြန်မယ်ဆိုရင် ကိုယ်ရဲ့စိတ် ကြည်လင်လာ သည်သာမက စိတ်သာယာငြိမ်းချမ်းကို ရရှိမည်မှာ အသေချာပင်။ ခုဖက်နေတဲ့မိတ်ဆွေတို့လဲ ဒီကဗျာမှ သင်ခန်းစာ တစ်ခုခုရကြမယ်လို့ မျှော်လင့်လျက် ………..။
မှားတာရှိရင် ခွင့်လွှတ်ပါအုန်း။
A Poison Tree by William Blake
Burmese Translation: Classylian
Image credit: Flowvella
26/10/2020
Comments
Post a Comment