Itna Tulsing

Itna Tulsing

++++++++++++++

Itna tulsing 

Hong pokhia a

Khan kum sawt 

Lobang tul ding cih

Lawmetna tawh

Itna khaici mah ka tuh hiven.

Hong po mah ei!

Hong po mah ei!

Hong po mah ei!

Lungzuanna paak 

Hong palh khia a

Ka nap sin leh

Ka lailung hong sukha lua hinteh

Sawlbang vul-in

Luankhi nul lawh veng e

Aih hang

Tua lungzuanna' gimnam mah

Lungkim tak leh lungsim tak tawh

Namnam nuam lah ka hi mawk a.

Khasiatna gah 

Hong gah khia a

Ka peh sin leh

Ka lailung hong sukha lua hinteh

Sinlai guu bang zen-in

Dipngek nat lawh veng e

Aih hang 

Tua khasiatna' alimna mah 

Lungkim tak leh lungsim tak tawh

Ciam-in nene nuam lah ka hi mawk a.

Aww ........

Ahih hang

Kumkhua sawt

Gamgua bang hing-in

Lobang tul ding cih 

Lametna tawh ka tuh

Hih itna tulsing zong

Hong khansih san pah maw.

#Classylian

16/11/2020

Monday

Picture credit: deviantart