Vaang Ngaihno
---------------------
Zankim gamdaih hun
Se-al taang silsial nuai
Tutbang khawl in
Thangvan lam ka et toh leh
Solkhapi taang ka mu a
Tua solkhapi' lakmaai
Enen a ka lung ngaihngiah leh
Taang sinlai ah
Vabang hong phawng ve cia.
Na maaitaina
Na nuihmaaina
Na ithuaina
Na ngaihbanna te
Ka lau mitkha ah
Hong mumu veng e.
Ka maimit laukha ah
Mang mawh ve e
Ka maimit laukha ah
Luai den ve e
Ka lailung tawng ah
Thaam den ve e.
Taang kei' sinlai hong kuai lua cia
Taang ka duang hong zen lua cia
Na vang mubang ngai-in
Sawlbang na vul lawh veng e
Sen vaang ngaihno aw e.
Classylian
30/11/2020
Monday
Picture credit: psychologytoday
Comments
Post a Comment