Zaalmang
---------------------------------
Ka nuntakna sung ah
Phalbi daidam bang
Nong luut hiauhiau a
Huihkhi dam tawh
Nong sem siausiau hang
Nong ompina vaang in
Aliing keuhkeuh ka lailung
Nong daai sak a
Nong lum sak litlit maw.
Na khawlna ka sinlai ah
Lungkim-in suihlung na tai ciang
Khuakhaal nisat bang
Nunglam mitneilo bang
Nong taisan ziau maw.
Tun bel ..........
Ka selung ah
Tuuk hong tung a
Theu thei kei e
Hih thulguah luang
Gial bang hong kia ngelhngelh
Akang theilo luitui mah bang veh e.
Classylian
28/11/2020
Saturday
Picture Credit: wallpaperaccess
Comments
Post a Comment