Mihing' Nunzia
-----------------------------
Hih sim leitung
Nuntakna in
Meiipi bang
Vaan duumpi ah
Alom alom in
Kikhin diaidiai
Etlawm mah e.
Leenkip cinten ding
Cih lunggulhna tawh
Tua nuntakna meiilompi
Ka khut zanto a
Limtak le kiptak
Mancip-in
Ka leencip sawm laitak
Huih lak ah
Laam diaidiai-in
Theng ziau pak
Beimang ziau pak ve e.
Aww .....
Mihing' nunna zong
Papo mah na bang zel a maw
Ka taltang nawl tuak ah
Puduk puduk ci-in
Kisaai ziahziah ve e.
Classylian
13/12/2020
Sunday
Picture Credit: vox
Comments
Post a Comment