Kumthak le Nunthak

++++++++++++++++

Kumlui 2020 in

Hong paisan ta

Mual hong liapsan khin ta.

Kumthak 2021 in

January khathak

Hong paai-in

Hong suak khia taktak ta ei.

Dam maw, Kumthak?

Lungdamna tawh hong muak ung ei!

Tulpaan kaaisa

Ngaihutna

Thumuh zia le pom zia

Lungsim puak zia

Nunlui te

Nuntaakna laimai thak lem nading

Lunggulhna ipneu

Adim khat beek

I khol kha nai hiam aw?

I nei kha mah hiam aw?

Kum te hong bei zel

Kum te hong thak zel

Kha te hong thak zel

Ni te hong thak zel

Kum khat kiteek to zel.

I nuntaakna te

Beisak zel ding maw

Abeisa kumlui 2020 dan mah a

Hih kumthak 2021 zong.

Classylian

03/01/2021

Sunday

Image Credit: purehealthyliving

#Kumthak_le_Nunthak

#Newyear_and_Newlife