Ngia

Tuni bel athulu ding "Ngia" ci giap pah ni ei. Zankim laitak avak khiankhian Ngia bang a agamta, mi ane nuam, le mi aman nuam, abuluh nuam Galkap palik te pen laubawl zawlo a, mipi te thukituak lungkituak peuh leleng kuaman hong bawlsia zolo ding, gualzawhna kingah veve ding le i lungtup te hong taangtung ding hi. Tha na piaksak dih vo lawmte!

-

Ngia
------
Zankim zankhang
Khualmial lak
Kiim le paam 
Veng teng ah
Vaak khiankhian 
Kiim le paam 
Veng sung ah 
Khuadak giaugiau.

Lunghianglo tak-in
I nuntaknate 
Hong tuah khiatsak sawm veh!
I lungtupte
Hong nektumsak sawm veh!
I lametnate 
Hong nawmvalhsak sawm veh!

Beel hawm kisaatna ging
Na zaak ciang
Zaam kitumna ging 
Na zaak ciang
I omna muntek pan
Leengkhia thekthek
Diangkhia leklek
Delhhuan ngeingai pah
Bawhhuan ziahziah pah.

Lungkihual tak 
Mapang khawm liailiai 
Lungkituak tak
Kipanpih diamdiam leng
Hih Ngia ginalote 
Nilkhiatna ah 
Muibun-in 
Hih Ngia gutate 
Hawlkhiatna ah 
Lawhcing ding a
Hih Ngia buluhte 
Lauthawngsakna ah
Gualzo ve ni!

Classylian
17/02/2021
Wednesday

Photo credit: original uploaders
#SaveMyanmar
#AgainstMilitaryCoup
#RejectDictatorship
#JusticeForMyanmar
#HearTheVoiceOfMyanmar
#WhatisHappeningInMaynmar
#CivilDisobedienceMovement
#FightForDemocracy

#မြန်မာပြည်ငြိမ်းချမ်းပါစေ
#အာဏာရှင်စနစ်ပျက်သုန်းပါစေ