Galkapte in Kawlgam' ukna le thuhneihna hong buluakna deihlo a, lungphona tawh lehdo-in Galkapte' thau nuai ah aliam lawh, abaai lawh le nuntakna abei lawh dekdek galhang tampi om ta hi. Tuni athulu ding "Thaulawng le thautang" cini ei. I lunggulh le i lungtup te i ngah mateng lungkialo a, lungkituak tak-in mainawt ding hi hang!
-
Thaulawng le thautang
@@@@@@@@@@@@
Thaulawng pan
Nawh phatak a alengkhia
Gam buluh nopna
Ukna le thuneihna buluah nopna
Mun deih luatna
Za deih luatna
Duhhop huaiham luatna
Gualtung tuan nop luatna
Mi tung thuneih nop luatna
Thautang te hong leng zuazua.
Hih thautang te'n
Paakpalh hoih te
Apalh lai ding paakte
Apalh khin lian paakte
Khat khit khat
Hong kaap khiat sak
Hong sukzan sak niknek
Hong tuancil dikdek sak e.
Tua thaulawng te pan
Alengkhia pen
Paak namcin anuntak theihna
Tuinaakpi na hi hoh lo a maw.
Tua thaulawng te pan
Alengkhia pen
Thumaan thutak
Akilang khiatna le gualzawhna
Aphungpi na hi hoh lo a maw.
Tua thaulawng te pan
Alengkhia pen
Itna le lainatna aluan khiatna
Bulpi na hi hoh lo a maw.
Tua thaulawng te pan
Alengkhia pen
Khantohna apian khiatna
Atawsawn lungsimtha na hi hoh lo a maw.
Classylian
10/02/2021
Wednesday
Photo credit: original uploader
#SaveMyanmar
#AgainstMilitaryCoup
#RejectDictatorship
#JusticeForMyanmar
#HearTheVoiceOfMyanmar
#CDM
#CivilDisobedienceMovement
#FightForDemocracy
#မြန်မာပြည်ငြိမ်းချမ်းပါစေ
#အာဏာရှင်စနစ်ပျက်သုန်းပါစေ။
Comments
Post a Comment