Tualgalpi

Galkaapte' ukna le thuneihna hong buluakna deihlo a, lungphona tawh alehdo galhangte Galkapte' thau nuai ah aliam lawh, abaai lawh, mat thuak lawh le nuntakna abei lawh nangawn hong om ta hi. Galkaapte' ukna le thuneihna nuai-ah aom nuamlote le galkaapte' sila asuak nuamlo peuhmah in galkaapte alangpang le alehdote hi pah hang ei! Asawtlo-in galkaapte' ukna hong kia ding hi! Athulu ding "Tualgalpi" ci ni ei maw. Tha napiak sak zel dih vo lawmte! Lungdam ei!

-

Tualgalpi

++++++++++++++

Gam ukna  

Hong buluah sak

Mipite thuneihna 

Hong sutkhiat sak

Misok galkaap ginalote mah

Na hi zen veh!

Galkaapte' ukna

Galkaapte' thuhneihna

Galkaapte' ukcipnop luatnate

Akiat mateng

Lawnthal zawh mateng

A bul pan longkhiat zawh mateng

A zung pan botkhiat zawh mateng

Vut le vai asuah mateng,

Nisim-in

Hih galkaapte' ukcipnopna do ve ni!

Galhiam hoih pen CDM

Lencinten-in do ciat ve ni!

Galhiam hoih pen Lungphona 

Vomcinten-in do ciat ve ni!

Lungkialo nungkiklo tak-in

I tupna Kungpi

I ngiimna Kungpi

I tun mateng

Mainawt-in do ciat ve ni!

Classylian

19/02/2021

Friday

Photo credit: original owners

#SaveMyanmar

#AgainstMilitaryCoup

#RejectDictatorship

#JusticeForMyanmar

#HearTheVoiceOfMyanmar

#CivilDisobedienceMovement(CDM)

#FightForDemocracy

#WeWantDemocracy

#မြန်မာပြည်ငြိမ်းချမ်းပါစေ

#အာဏာရှင်စနစ်ပျက်သုန်းပါစေ