Athulu "Thumaan Thutak"
-
Mihing lungsim nei nawnlo a, ngongtat giitloh gamtatnate hong khauhpai semsem lai mawk in, hih palik galkaap ngia honte ahun lap-in Pasian'n hong lawnthal sak nading thungetna ah phawk tek ni maw! Tuni athulu ding "Thumaan Thutak" ci ni ei. Hong lauh man vua (thumaan thutak alau man vua) palik galkaap te'n thau, zum le hiam zangh-a hong bawlsia na hi zaw dan hi. Hong lauh man bekbek uh hi. CDM lut a munuam tuam ah lungphona anei khempeuh Pasian'n hong hu in hong kembit ciat ta hen!
Thumaan thutak
-----------------------------
Thaute liang ah kuah
Thautang butloh puante silh
Kidalna lum te tawi
Molhtum tawi-in
Thauvui thautang aneilo
Galhiam zong atawi beeklo
Zum le hiam asuanglo
Ei gam mipite
Gal le sa lah hilo
Galdo bang a
Thauvui tautang tawh
Khat khit khat
Hong kaap tuuk sak mawk veh!
Zum le hiam zangh-in
Gamsa ben bang a
Hong kibeng mawk veh!
Na giitloh ngongtatna uh tawh
Nong bawlsiat zah dong ding un
Bang lau zenzen na hi mawk uh hiam,
Palik galkap misok honte aw?
Ko hih zawh pen in
CDM lut-in
Lamzingpi dung teng ah
Lungphona ciang bek hi lel veh aw!
Nong kaaplup zah dong ding un
Bang lau zenzen na hi mawk uh hiam,
Palik galkaap misok honte aw?
Ko hih theih pen in
Gam mipite tawh
Ka khut zung thumte uh
Lamto kawm-in
Lampi dung teng ah
Lungphona ciang bek hi lel veh aw!
Thauvui thautang tawh
Ngiim tite sa-in
Thumaan thutak te
Nong kaapkhiat sak maw
Misok ngia honte aw!
Abang lau zenzen a
Hihcibang a alipkhap huai
Hihcibang a amulkim huai-in
Hong gamta na hi mawk uh hiam?
Bang lau zawzen na hi uh hiam?
#Classylian
09/03/2021
Tuesday
Photo credit to original owner
#WeNeedR2PInMyanmar
#WeSupportCRPH
#CrimesAgainstHumanity
#SaveMyanmar
#AgainstMilitaryCoup
#RejectDictatorship
#JusticeForMyanmar
#HearTheVoiceOfMyanmar
#WhatisHappeningInMaynmar
#CivilDisobedienceMovement
#FightForDemocracy
#MyanmarSpringRevolution
#မြန်မာပြည်ငြိမ်းချမ်းပါစေ
#အာဏာရှင်စနစ်ပျက်သုန်းပါစေ
Comments
Post a Comment