NATGUAL LEH SAIZANG KHUA DINMUN (Saizang – July 5)
July 06, 2021
Covid-19 hual thumna in Chin State sung adiakdiak Tedim, Tonzang, Cikha lam nasia takin hong nawk a, Saizang Khua ah zong hih natgual hangin June 19, 2021 ni pan July 3 ni kikal in ZYA-Saizang khangnote in misi 9 bang vui uh hi, cih thu khuamite thupuakna tungtawn in kiza hi. Tulaitak Tedim Zatopi ah Saizang khua pan zato lum mi 6 bang om laitak ci hi.
Khuasung ah natgual kilawh tamlua in inn kim phial kicina ahih manin a beisa June 27 ni pan July 11, 2021 ni dong ZYA-Saizang in khua dang pan hong paite khuasung khawllo a apai suak te bek paisakna tawh khuasung ahi thei bangin kem uh hi.
Panpihna a piazo i om leh cih kizop nading ZYA-Saizang, Hotline Phone 09887956228 ah kihopih thei ding hi.
#The Tedim Post
Comments
Post a Comment