Rev. Dr. Do Suan Mung in mual hong liamsan

Rev. Dr. Do Suan Mung in mual hong liamsan

_______

-President of Faith Baptist Bible College 

-Tedim & Faith Baptist Theology Seminary -Yangon 

-General Secretary of Global Zomi Alliance 

July 18, 2021

Tuni (July 18, 2021) zingsang nai 8:10 Am in Yangon pan hong nusia hi.

REV DR DO SUAN MUNG-TAANGTHU

(B.Sc, M.Div, D.D)

Zomi te-in i angtan pih mahmah leh i muan i suan mahmah ZOMI AKSI pi te lak-ah khat Dr Do Suan Mung in lam et hetloh laitak leh uphuai hetlo hun nai hetlo pi-in hong nusia cih i zakvat ciangin leitung buppi aom Zomi khempeuh dipngek na-in ki dah mahmah hi. Zomi sungah muan leh suan biakna lam hi ta leh leitung lam hi ta leh i ki ngakna mungpi hi aa, nuneem in mi huai siampa, tangthu tuanthu thei-in namdang te hong theihpih mahmah Siapa ahihi. Hi bang thu i zakvat ciangin dah lua mahmah hang ee sianu leh tate, tute U leh nau te pawlpi khempeuh te Topa in hong hehnem ta hen.

Rev Dr Do Suan Mung-tangthu:

Pamin: Pu Thawng Khua Tuan 

Numin:Pi Nuam Ngaih Cing

Behmin: Buansing

-Suahni: April 21,1955 (Tedim)

-Tan 10-1973 in Physics distinction onghi.

-Kum 1977-B.Sc degree

-Kum 1981-1985 in M.Div degree (San Francisco Baptist Theological Seminary(USA)

Pianthak na:

1973 kumin piangthak aa, 1975 pan hunbit Pasian nasem dingin ki ap hi.Kum 1979 in EBC hunbit Sia ngah hi. Kum 10 val EBC gambup President semin tulaitak Advisor khat in om hi.

LAISIANGTHO SANGNIH:

September 01,1986 in Tedim ah laisiangtho sang Faith Baptist Bible College (FBBC) phuan hi. August 11,2003 kum in Yangon ah Faith Baptist Theogical Seminary sangpi phuan hi.  February 02,1987 kumin Leilum EBC gambup khawmpi pan siampi zaa (Ordination) kipia hi. 

1986 kum in a zi Nu Niang Ngaih Ciin tawh ki teng aa tapa (3) leh tanu (1) nei hi. May 12,2000 kum in America gam Pennsylvania State, Clarks Summit Khua aom Baptist Bible College and Seminary pan in Doctor of Divinity D.D (Hononary) kipia hi.Tulaitak Global Zomi Alliance (GZA) ah General Secretary sem kawm in Pasian nasem in Yangon ah om hi. 

Dr Do Suan Mung laibu gelh te:

1). Tapidaw pawlpi leh Upna tangthu-2005

2). Puak Kawikawi theih laisiangtho sang-2011

3). Tapidaw pawlpi leh upna tangthu (Kawllai)

     tawh 2014 

4). Sia Do Suan Mung-thuhilhna volume I=2014

5). Sia Do Suan Mung -Thuhilhna volume II=2018

6). Sia Do Suan Mung-Thuhilhna volume III=2020

Note: Siapipa tangthu pen Rev Langh Khan Hau gelh CIIMNUAI MADAWK TE laibu leh laisiangtho telhak munte hilh cianna bu Dr Do Suan Mung gelh sungpan kong reference kik hi.

Siapipa Dr Mung bang mipil misiam leh mi ciim Zomi te sungpan hongpiang khia lai henla Siapa nusiat innkuan leh pawlpi U leh Nau khempeuh Topa in hong hehnem tahen…….Siapipa tawh kum 2006 in Tedim ah ka kimu kha aa, ki mu bek lo-in tawmvei ki thuah khakna ah hong it in hong ta bawl mahmah aa a laibu gelh masak pen khat ahi, Tapidaw pawlpi & upna tangthu hong letsong pah hi. Lungdam mahmah leh zahtaakna itna ka pia hi. Mangpha na man o siapipa na Zomi pih te leh pawlpj U leh Nau ten hongphawk mahmah nung ei maw! 

Mangpha…..

Dr Mung phawkden:

Ref. Pa Khup Sang( ZIUSA Cultural chairperson ) 

Photo credit

#Phualva Lungtuak Media