Khitui malte nul kawmin zahtakna lianpi kong pia uh a, hih leeltong (poem) tawh hong pahtawi ung maw, Ngalliam Salpha Gen-Z te aw.
-
Aleengto Suak Aksi
********************
Khuukdin a
Galte' khut ah ki-aap ding saang
Inndawl sangpi pan
Lenkhiat ding
Teel ngam zaw ta ngial.
Ngongtat bulute' khetul nuai ah
Gal-uite' khedap nuai ah
Khuukdin-a kipiak ding saang
Amanpha mahmah
Na nuntakna uh
Piakhia ngam zaw ta ngial.
I gam a'ding
Note' hansanna
Note' nong kipiak khiatna uh
Leitung bei dong
Ka lungtang uh ah thaam den ven cia.
Asanna pan
Na lengsuk uh a
Tun hileh
Asang penna mun
Thangvan dong ah
Akahto suak
Aleengto suak
Aksino 5 te na hizen vua maw.
#Classylian
11/08/2021
Wednesday
Picture credit: original uploaders
Rest In Power!
Comments
Post a Comment