Australia Gam-ah Zuapa' Ni (Father's Day) tuang hong tung ta ahihmanin, ka Pa le leitunga Pa akici khempeuh tungah hih Zomi leeltong (poem) tawh pahtawina le zahtakna pia dih ni e. Den mah a at phingphing ka hihmanin, khialna a-om khakleh na ngaidam sak un maw. Athulu ding "Ka Zua" ci ni maw. Tha na piak sak zel vo lawmte!
-
Ka Zua
*********
Theisen pan nong kem a
Kil bang ka khan khiatna
Na' anglim sung hi e.
Al bang dahin
Nau bang ka kah ciang
Sunkhua zankhua cilo
Heh hong nem a,
Ka nat ka sat ciang
Hong kem hong khoi zong
Ka Zua mah hi e.
Momno vontawi te a'ding
Innkuan bangkua a'ding
Sinkham lungkham-in
Nat le sat thuak mahleh
Tuuk, khaal le phalbi cilo
Zingni suah sial
Vailo kuan-in
Leitung' haksanate
Aphu anawk zong
Ka Zua mah hi e.
Nuai simlei nunzia ding
Sinthu hoih tawh
Lam bang hong lak
Etteh pha bel ka Zuapa.
Zua aw,
Tung Sianmang in
Lung bang hong sung den hen!
Sinlung nuamin
Hih simlei-ah
Khan kum sawt
Gua bang hing dingin
Sian in hong siam ta hen!
#Classylian
05/09/2021
Sunday
Picture credit: lovequotes
#My_Daddy
Comments
Post a Comment