Pulh

Kha thak hong tung kik ta! Ko kiangah bel Spring hi ta ei! Lai atloh sawt kik pianin tu kha a'ding lai-at zel dih ni ei maw. Tuni a'ding Zomi poem (leeltong/tongluan) khat phuak leuleu ni ei. Kisinna hi leuleu ei guai. Athulu dingin "Pulh" ci ni maw. Na simsak zel dih vo lawmte.

-

Pulh

******

Leitung a'ding a deihhuai

Sunmang hoih tuamtuam

Sunmang hoih nono

A kimat laitak,

Lei le vanpi kilokin

A dawng hilhhelh aksinote

Khat khit khat

Tual hong kia e.

Leitung a'ding

A etlawm sak

A namtui sak

Paak hoih namkimte

A palh lihleh laitak,

Huihpi guahpi in nawkgawpin

Hong sunuaigawp a

Lei le buan tawh

Hong vulhnelhsak zel mawk e.

Vandawn-a akikhai

Lametna sunni zong

A min nailopi mahin

A puam laipi mahin

Hong pilhkhia a

Hong kiasuk veh e.

Singkung tunga

A kikhai lingleng

Sunmang tulnah te zong

Huihpi in seemlo napi,

Thelnah bangin

Teh khat khit khat

Hong pulhkhia ngelhngelh zel e.

#Classylian

01/09/2021

Wednesday

Photo credit: visitchurches