Lungsim vangik

*****************

Sun tangpi khuamial

Khattang zankhua sawt lailai

Thumaan le thuzuau

Thudik le thukhial zong

Khentel thei nawnlo zah dong

Ki-om heihai!

Anung hiauhiau

Huihdam lakah

Vasa mul bang

Leng diaidiai nuam mah hiveng

Himahleh

Huihpi-pingpei nangawn in

A hong puaklah zah dongin

Ka lungsim

Na gikzo phial mawk a!

Khim khuazing nuai

Meiilom vompite zong

Ki-iip zo nawnlo hinteh

A khitui uh hong luang ngelhngelh e.

Thulguah zong

A tawntung

Hong kialo ahih teisam hang

A hong kia sunsun

Guahmalte lah

ka lailung

Hong kha-in

Hong lingsak keuhkeuh e.

#Classylian

20/06/2022

Monday

Image credit: pinterest