Kawllai tawh ka sim khak taangthu tomno khat hong hawmsawn nuam pak ing e. Kua at cih zong thei nawnlo lai.
-
Pasal khat gamlakah a pai laitak gamkang meikuang lakah gul khat mu a, hehpihhuai sa ahihmanin a honkhia dingin khensat pah hi. A khut tawh a mat leh gul in na tu pah a, na salua mahmah ahihmanin a khahkik hi.
A khahkik leh, tua gul zong meikuang sung mahah a kiakik hi. A khutguak tawh manngam nawnlo a, a gei teng a kiimvelvel leh siiktawn khat mu hi. Tua siiktawn tawh meikuang laka gul a honkhia dingin hong kithawi leuleu hi.
Atawpna-ah honkhia zo hi. Agaal khat pan hih thupiang a en hithiat mikhat hong pai a, "Hih gul in nang hong tu hilo maw? Bang dia a nuntakna honkhia zenzen lai na hi hia?", ci-in a dot ciangin, gul a honkhiapa in, "Gul' pianzia pen tuk ding mah hi e. Ahihang kei' pianzia le ka lungsim puakzia ahihleh huh a kisamte huh ding hi a, tua ka hihna pen bel kikhel ngei lo e", ci-in a dawngkik hi.
#Hih taangthu’ adeihna comment ah na at sak un maw!
#Classylian
#Credit to original writer
Image credit: ensia
Comments
Post a Comment