Leeltong (poem) khat phuak leuleu ni maw. Athulu bel "Nunna Thak" ci ni, kum thak ahih teh. Na simsak zel vo lawm te. Lungdam ei😊. Kum thak thupha mikim ading hita hen!
-
Nunna Thak
++++++++++
Kum lui 2022 in
Mual hong liapsan khin ta
Mangpha maw, Kum lui!
Kum thak 2023 in
January kha thak
Nau bang paai-in
Hong suak khia ta.
Dam maw, Kum thak?
Lungdamna lianpi tawh
Hong muak ung ei!
Tulpan a kaaisa
Lungsim tawngah a kibilhcipsa
Ngaihsutzia te
Thumuhna leh pomzia te
Lungsim puakzia te
Nuntaakna laimai thak lem na'ng
Lunggulhna ipneuno khat beek
I khol kha nai hiam aw?
I nei kha nai mah hiam aw?
Kum te bei zel
Kum te hong thak zel
Kha te bei zel
Kha te hong thak zel
Ni te bei zel
Ni te hong thak zel
Kum khat kiteek to sem veh e!
I nuntaakna leh hunte
Beisak zel mah ding maw
Abeisa kum lui 2022 mah bangin.
#Classylian
04/01/2023
Wednesday
#Tamborine_Mountain
#Zomi_leeltong_poem
Comments
Post a Comment