A Kitamzan Lungsim

Lai at loh sawt zel ei. Leitung buppi in i thuumna i taunate hong zaaksak kei tase mahleh i Pa Pasian in i tauna, thuumna, lungkham mangbatna le dahnate bekthamlo i khituite' otna le i sisante' kikona awging te hong za den hi. Athulu ding "Akitamzan Lungsim" cini maw. Na simsak un, lungdam! 

-

A Kitamzan Lungsim

++++++++++++++++

Asiang sitset 

Akitel sinsen

Akilang sinsen a

Tha neih zah tawh

Aw neih zah siit lo in

Awng khia khin ta hang.

Khuapi sung a

Kongzing teng ah

Lampi dung teng ah 

Lamzingpi dung teng ah

Khut zung thum lamto-in

Kiko khia ziahziah

Awng khia ziahziah khin ta.

Galkaap misokte' thau nuai ah

Thauvui thautangte' guah nuai ah

Acih mawh adong tuak

Galtaite' patauhna awgingte

Galtaite' huhnetna awgingte

Akahna atauna awgingte 

Van le lei thawn veh!

Inn ciat ah

Thuumna le tauna gawm-in

Uum le beel te saat ziahziah

Ging sak ziahziah

Lungkham mangbatna le dahna gawm-in

Khuang le zaam te tum ziahziah

Ging sak ziahziah khin ta.

Gin dan te zong

Kitel mahmah e

Kician mahmah e

Kiza setset e. 

Ahih hang,

I thuumna le i tauna awgingte

I lungkham mangbatna le i dahna awgingte

Akia i khituite' otna awgingte

Akia i sisante' kikona awgingte

Gin ngiah pha mahmah napi

Leitung bup in

Azaak ding

Abeng ngong hiam aw

Khua zalo hiam aw

I nuntaknate ......

............................

I nuntaknate.......

Bei lawh hang e

Sih lawh hang e.

-

#Classylian

03/04/2021

Saturday

@ Mipi' Lungtup Taangtung Ta Hen!!

@ အရေးတော်ပုံအောင်ရမည်။

Photo credit to original owners

#WeNeedR2PInMyanmar

#WeSupportCRPH

#CrimesAgainstHumanity

#SaveMyanmar

#AgainstMilitaryCoup

#RejectDictatorship

#JusticeForMyanmar

#HearTheVoiceOfMyanmar

#WhatisHappeningInMaynmar

#CivilDisobedienceMovement

#FightForDemocracy

#MyanmarSpringRevolution

#မြန်မာပြည်ငြိမ်းချမ်းပါစေ

#အာဏာရှင်စနစ်ပျက်သုန်းပါစေ