Submarine pen i Zolai-in tuinuai/tuisung teembaw kici ding maw tuilut teembaw kici ding?
**********************************************
April 30 2021
Indonesia' tuinuai-a galdona teembaw (submarine) cih post/news tawh kizaui-in dotna hong om pak ahihman-in hih post tawh a dawngkik pak i hi hi. Ta dihdih ci-in hong kici kha mah ding hi. Natel siam un.
Submarine i genma hih gen masa phot ni maw. Sub- "(under/close to/below) anuai/asung/akinai" hi a, marine - "tui/tupi or tuitawh/tuipi tawh akinahvawh", "tuilam-a galkaap tawh akinahvah", or "teembaw zangh-a khualzinna/vanphuakna". Dive - "tuilut/tuisung lut". Tuilut zong akici thei mah ding hi, ahang-in tuipi athuukna mun ah zong lut akul ciang lut suksuk thei lai ahihman hi.
Dictioanary (kamletbu) te-ah enleng submarine pen akhiatna nam 4 bang na om hi:
1) under-water/under-sea (tuinuai)
2.1) A naval vessel designed to operate underwater (tuinuai-ah agamtang thei ding-a akibawl tui galkaap tawh akinahvawh teembaw/gunkuang gol)
2.2) Google ah hi dan kici - Submarine: a warship with a streamlined hull designed to operate completely submerged in the sea for long periods, equipped with a periscope and typically armed with torpedoes or missiles. (tuisung-ah sawtpi tak omzo a, bangmah akidawklo ding-in tuisung/tuinuai-ah atumsuk leh kaap nading thautangpite (torpedoes/missies) apua phitphet gal-tembaw nam khat)
3) United States Marine Corps a tui le lei galkaap (infantry)
4) a large sandwich on a long split roll with any of a variety of fillings (sandwich agol khe mahmah te)
Hih atung a teng en leng, submarine i cih pen " tuinuai/tuisung/tuilut tembaw' cih kammal zat ding-in kicing mello tawh kibang lai hi. Ahang-in amah zong gal tembaw nam khat mah a hih man hi.
Tua ahihman-in "Tuinuai-a galdona teembaw", "tuinuai-a gal teembaw" or "tuisung-a galdona teembaw"/"tuisung-a gal teembaw" cih dan khat hoihsa pong ing. "Tuilut-a galdona teembaw/tuilut-a gal teembaw" sang-in atung a te nih kilawm sa pong ing. Mimal muhna bek hi phot hi.
Phawk ding khat leuleu ah "teembaw/tembaw" i cihcih pen Kawlpau (သင်္ဘော) pan i laak hi kha thei ding hi cih thu hi. I Zokam ngiat-in hih "teembaw/tembaw (သင်္ဘော)" cih kammal pen bang i ci tam maw? I Lai Siangtho sung-ah bel "teembaw/tembaw (သင်္ဘော)" mah ci-in na kizangh hi cih zong hong phawksak nuam lai ing.
Ahihhang atawpna-ah lai asimte'n atel nakleh, a mitkha uh-ah abawl theih nakleh, a-atte' adeihna asimte'n atel nakleh lemtang sa ing. Kei' mimal muhna bek hi. Muh dan akibat kei leh kikeelki thei hi.
Gen khialh at khialh a-omleh hong namaisak un. Hih atung a kammmal te pen ngiahsutna bek hi a, ahoih zaw alemtaang zaw om kha lai ding hi. "Submarine" leh "teembaw/tembaw (သင်္ဘော)" tawh akinahvawh kammal hoih atuamtuam om kha lai ding hi. A-om laileh hehpihna tawh comment ah na atsak ciat un maw. Lungdam ei.
Lai-at: #Classylian
Reference: merriam-webster dictioanry, google dictionary, cambridge dictionary, Lai Siangtho
Photo credit: Wikipedia, Wired
Comments
Post a Comment